Islamisches Opferfest

S Opferfest (arabisch عيد الأضحى‎, DMG ʿĪdu l-Aḍḥā) isch s höggste islamische Fest. Es wird zum Höhepunkt vom Haddsch gfiirt, dr Wallfaart uf Mekka. Es foot am Zääte vom islamische Monet Dhū l-Hiddscha aa und goot vier Dääg lang. Wägen em islamische Mondkaländer cha s Opferfest in jedere Jooreszit stattfinde, es verschiebt sich im Sunnekaländer ruggwärts, jedes Joor mäistens um elf Dääg.

Mit em 'Īd al-fitr, em Fest vom Fastebräche am Ändi vom Fastemonet Ramadan, ghört s zu de bedütendste Festligkäite im islamische Jooreskräis.